سینیق رادیو، سینیق دیللرین رادیوسو
یازار : رضا صيامي
+0 به یه ندیم / پسندیدم
سینیق رادیو، اینترنت اوزریندن یایینلانان بیر رادیو دور. تبریز دن یایینلانان بو رادیو ، اونجه لر یالنیز فیسبوك سیته سیندن دالغالانیردی، آمما آرتیق اؤزل اینترنت دوشرگه سی وار. بو رادیو وئرلیش لرینی دینله مك ایچون، رادیونون اینترنت دوشرگه سیته سینه باش وورا بیلیرسینیز.
"سینیق دیللرین رادیوسو" اولان سینیق رادیو حاققیندا آرتیق بیلگی لری، بو رادیویو یارادانلارین دیلیندن اوخویاق:
"تبریزدن؛ آذربایجانیمیزدان یایینلانان بیر رادیویوق. 91 جی ایلده ایلك و تك رادیو اولاراق ایشه باشلامیشیق. ایشیمیزین آدی پادكست دوزلتمك‌دیر. ادبیاتی سئویریك و حتی پان ادبیاتچی‌ییق! آماجیمیز اوخونولماماق سورونوموزا چاره تاپماق و دیلیمیزین آیاغینی هر یئره آچماقدیر. بیزی دینله‌ین‌لر؛ ادبیات دونیاسیندان هر نه ایستسه ائشیده بیلر. بئله‌لیكله سینیق رادیویا قولاق آسانلار سینیق رادیو-دا ایش گؤرولدویونو گؤره‌جك. بو اوزدن سینیق رادیونون قاپیسی ایش گؤرنلر و ایشی گؤرنلره آچیقدیر. سینیق رادیو سینیق دیللرین رادیوسودور. بیزی دینله‌یین، دینله‌دین، دینله‌تدیرین و اؤز باشیمیزا بوراخمایین. سایغی‌لار ..."
